A Igrexa ultima a edición actualizada do misal en galego
O arcebispo de Santiago, Monseñor Francisco José Prieto, visitou na Coruña a sede da Real Academia Galega
A Coruña
Tiempo de lectura: 1'
Actualizado 19:11
A Igrexa ultima a edición actualizada do misal en galego, para renovar a publicación actual que data dos anos 80. Están dispoñibles nesta lingua tanto os leccionarios como os principais rituais dos Sacramentos.
Son cuestións que resaltou este luns o arcebispo de Santiago, Monseñor Francisco José Prieto, na súa primeira visita institucional á sede da Real Academia Galega da Coruña (RAG). O prelado coñeceu as instalacións provisionais situadas nunha nave de Pocomaco, onde se trasladaron os fondos da Academia mentres se está a reformar a sede da Rúa Tabernas.
Maior sensiblidade nas parroquias cara ao galego
“Podemos ter libros editados pero fai falta ademais ter suficiente sensibilidade e compromiso”, advertiu Monseñor Prieto, ao tempo que avogou por “facer un esforzo como Igrexa para que a liturxia se normalice na vida das nosas comunidades parroquiais.” declarou. Por iso, afirmou que pulará por que “se abran camiños para que esa normalidade vaia chegando non nun horizonte afastado senón cotián”
O presidente da RAG, Víctor Freixanes, incidiu na importancia normalizadora da liturxia. “O papel da igrexa é fundamental”, recoñeceu, “nestes tempos onde a lingua ten que enfrontarse á modernidade e ao uso en ámbitos moi diversos”.
A Real Academia Galega non é unha institución á que a Igrexa sea allea. De feito, entre os seus fundadores está un arcebispo, Manuel Lago González, ao que se dedicou o Día das Letras Galegas en 1973. El xa usaba o galego na misa a principios do século XX.
- item no encontrado